Javën e kaluar u përfol se Selena Gomez dhe Justin Bieber kishin vendosur të qëndronin për pak kohë larg njëri-tjetrit, por siç duket gjërat kanë marrë të tatëpjetën.

Sipas Hollywood Life, çifti i famshëm që për gati 5 muaj të ribashkuar kanë qenë të pandashëm nga njëri-tjetri, tashmë duket se do i vendosin sërish kapakun lidhjes. Shkaku për këtë thuhet të jetë nëna e Selenës, e cila kurrsesi nuk kërkon që dy këngëtarët të jenë në një lidhje. Mandy Teefey, është shprehur kundër rikthimit të tyre, që në fillim të gjithë kësaj historie.

“Selena dhe Justin kanë vendosur të bëjnë një pauzë (nga lidhja), kryesisht për shkak të nënës së Selenas dhe mosmiratimit të lidhjes së saj me Justinin”.

“Familja e Justinit e do Selenan, mirëpo familja e Selenas e ka vënë atë në një pozitë të vështirë, sepse ata akoma nuk i besojnë Justinit”.

“Selena është përpjekur ta bindë familjen e saj se Justini ka ndryshuar, mirëpo familja e saj nuk është e bindur për këtë”, kanë thënë nga ana tjetër burime të ndryshme të revistës Us Weekly.

 Dy këngëtarët u ribashkuan në muajin nëntor të vitit të kaluar, pas ndarjes së Gomez nga The Weeknd.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.