Pasi u kritikua se puthi të bijën në buzë, reagon për herë të parë Robert Berisha

Diçka është e sigurt këtë periudhë për të: nëse nuk është në Tiranë në provat e “Dance with me Albania”, si një nga konkurrentët e këtij spektakli kërcimi, është duke fluturuar drejt destinacionit të radhës për koncertet e shumta ku është i ftuar si këngëtari special i mbrëmjes. Duket sikur jeta e tij është gjithë kohës me valixhe në dorë, në aeroporte të ndryshme, në udhëtime të vazhdueshme e në angazhime të tjera profesionale, nga muzika tek kërcimi, etj. Koha e lirë në dispozicion të familjes, është kaq e paktë, dhe e limituar për Robert  Berishën.

Ndaj, në momentin e parë kur gjen pak hapësirë të lirë ai i dedikohet tërësisht atyre, bashkëshortes Nora Istrefi dhe të bijës, Renee. Si një prind i përkushtuar ndaj së voglës së familjes, ai nuk e fsheh asnjëherë këtë detaj duke e shprehur në intervista të ndryshme publike, por edhe përmes fotografive interesante. Por, një foto e fundit e tij që Roberti ka postuar në instastory, ai shfaqet duke puthur në buzë të bijën, e ndërsa shkruan në të: “Gjithçkaja ime”! Ka mjaftuar kaq dhe portalet i janë “vërsulur” me idenë e kritikës për një gjest të tillë.

Advertisement

I kontaktuar nga Class, Roberti dha shpjegimin e tij për këtë situatë: “Shyqyr që është vajza ime dhe fati i saj është që nuk e përpiva fare, po kaloi mirë me një puthje. Aq shumë më merr malli për të”!

Ndërkohë, ai ka edhe një përgjigje për mediat që përpiqen t’i japin të tjera ngjyrime këtij veprimi mes një babai dhe vajzës së tij. “Portalet puthin edhe vajzat e të tjerëve dhe nuk ju duket e çuditshme. Por, kur shohin fytyra publike që bëjnë një gjest të tillë, atëherë bëjnë një shkrim që të përfitojnë nga klikimet. Gjithsesi, janë shumë të mirë. Unë i dua fort”, e mbyll ai komentin e tij.

Burimi: Class