Melania Trump viziton sërish një qendër për emigrantët, lë xhaketën në shtëpi

 Melania Trump viziton sërish një qendër të emigrantëve klandestinë, këtë herë në kufirin me Meksikën, në Tucson, Arizona.

Në vizitën e parë Melania u shfaq me një xhaketë jeshile të errët me mbishkrimin “Mua vërtet nuk më intereson, po ty?”, duke ngjallur diskutime. Zëdhënësja e saj tha që nuk nënkuptonte asnjë mesazh mbishkrimi mbi xhaketë, ndërsa presidenti Trump e cilësoi një dedikim ndaj falsitetit të mediave.

Advertisement

Në takimin e dytë Zonja e parë është shfaqur elegante me një bluzë të zezë dhe pantallona të bardha.

Janë më shumë se 2300 fëmijë emigrantësh klandestinë që janë ndarë nga familjet në kufi. Urdhri i ndarjes së familjeve klandestine është pezulluar përkohësisht nga Donald Trump pas indinjatës në Kongres dhe në botë, por nuk është vendosur akoma bashkimi i tyre.