Të shtunën e datës 3 shkurt, Elvana prezantoi projektin e saj më të ri “3”.
Një projekt shumë i veçantë si nga përmbajtja, por edhe nga mënyra që artistja zgjodhi për promovimin e këtij projekti, duke i performuar të gjitha këngët LIVE.
Kurioziteti i publikut për këto këngë është i madh, por mesa duket pritjes i ka ardhur fundi…
Sipas një postimi që Elvana ka bërë në Instagram, këngët e këtij mini-albumi do të transmetohen me datë 10 në orën 20:05 në Top Channel. Krah spotit Elvana shkruan: Ndiq dritën, por kurrë mos harro rrënjët… “3” 10.02.2018, Top Channel.
Përpos këtij njoftimi, më në fund Elvana ka publikuar disa foto nga festa e prezantimit të mini-albumit me disa prej miqve te saj, krah të cilave shkruan: “3” EP.
Numri “3” është vendosur në titull, pasi është numri i fatit për Elvanën, i cili përkon gjithashtu dhe me ditëlindjen e saj, që e festoi ditën e prezantimit të këngëve. Ndërsa “Ep” (Extended Play) është një kategori që përdoret për matriale që nuk mund të klasifikohen as si single, por as si albume.
Nga fotot shohim që Elvana ka shkëlqyer në ditëlindjen e saj, ku shfaqet me nje fustan të kuq dhe si gjithmonë, shumë e qeshur.
