Këto nuk janë vetëm një sipërfaqe brenda katër mureve, por magjia e një fantazie e gjitha e shkrirë në dhomat e hoteleve nëpër botë.
Nga juria e “Mr & Mrs Smith” këto janë dhjetë dhomat e nominuara për kategorinë “World’s Sexiest Bedroom”. Pjesë e jurisë janë emra nga stilistët e modës e deri tek drejtorët artistik të kompanive më të fuqishme martesore.
Më poshtë do të gjeni fotot dhe vendet përkatëse:
Sovena Jani, Maldive: Juria e ka klasifikuar si një prëj dhomave më të bukura për dy elemente kryesore; Dhoma ka një dalje direkte në det dhe tarraca e saj mund të hapet vetëm me një të shtypur të butonit për të patur një pamje fantastike të qiellit.
Cap Rocat, Mallorca, Spanjë: Suita sensasionale është e fshehur brenda shpellava që të kalojnë në një nga plazhet magjike të Palma Bay. Do të jeni të vetëm nën shoqërinë e perëndimit dhe pishinës që ka një fantastike buzë detit.
Lion Sands Game Reserve, Afrika e Jugut: A ke qëndruar ndonjëherë në majë të pemëve? Këtë pamje ta ofron kjo dhomë. Me një pamje totalisht të gjelbërt dhe të fshehtë për të soditur çdo kafshë që kalon aty pranë.
Nihi Sumba Island, Sumba, Indonezi: Gjeni rërën poshtë këmbëve, detin përpra krevatit tuaj “King size” dhe pas tij një kopësht i rezervuar vetëm për ju.
La Reserve Hotel & Spa, Paris, Francë: Një nga ato dhoma, ku shpenzon për pamjen më shumë se sa cilësinë e saj nga brenda. A i keni parë ato fotot me peisazhin më fantastik të Parisit nga ballkoni i metaltë? Po, pikërisht nga kati i pestë i këtij hoteli janë bërë.
Spicers Sangoma Retreat, Blue Mountains, Australi: Për romancë, suita Escarpement, është vendi që duhet vizituar nga një çift që kërkon privatësinë e tij maksimale rrethuar nga natyra dhe me një tualet të gjithin prej xhami. Epo mund të bëni çdo gjë aty pa ju parë kush.
Il Sereno, Lake Como, Italy: Suita e katit të fundit të këtij hoteli, klasifikohet si një mini-mbretëri, me një sipërfaqe 2,000 m2 dhe e rrethuar nga peisazhe liqenesh.
The Franklin, Londër: Në këtë hotel magjia ndodh në suitat “junior”, ku sipas jurisë, pasqyrat në dhomë japin një shkëlqim të jashtëzakonshëm dhe aspak dramaticitet.
Be Tulum, Riviera Maya, Meksikë: Suita “Fuego” përshkruhet si një libër i vjetër romance me kapak druri. Wshtë një fantazi brenda 1,000 m2… Me një kopësht privat dhe një pishinë të rrethuar nga palma.
Palazzo Margherita, Basilicata, Itali: Dhoma më e madhe e hotelit që quhet “Suite Nine” është dizenjuar nga regjisori me famë hollivudiane, Francis Ford Coppola, i cili është edhe pronari i hotelit. Kjo dhomë një vit më parë ka qenë edhe fituese e çmimit të parë për dhomën të arreduar më mirë.
